مارينا أف أم.. الساعة تقريبا بعد 8
Night Show في برنامج يقدمه علي نجم اسمه
تقريبا كل يوم يدقون على ناس ويسوونلهم مفاجأة بعيد ميلادهم
اليوم كان الشخص إللي يبي يسوي المفاجأة اسمه محمد.. وكان عيد ميلاد مرته شروق
قال حق علي أبي تسوون فيها مقلب
بس علي طلع شيطان
دق على شروق وقالها خل نسوي ب محمد مقلب
عاد على الهوا دق على محمد وقاله ترى دقينا على شروق وما رضت تطلع على الهوا
وقالت قولوا حق محمد يلعب غيرها
محمد سكت.. خذاله "بووزز" طويل.. جنه انصدم
بعدين قاله علي شنو تبي تقولها
قال أبي أقولها كل عام وانتي بخير وترى أنا احبج وايد والله يخليج لي
عاد ولا اهيه ترد تقوله وانت بخير
جان علي يضحك ويقول هاا شروق منو صار فيه المقلب
(: جان تقول محمد
عاد قالها علي ها شتقولينله..ردي عليه
جان تقوله أنا بعد أحبك وايد والله يخليلي محمد وبنتي ويوفقني
أحس استانست ان في اثنين يحبون بعض صج
وان الريال تذكر مرته وحب يسويلها مفاجأة
الله يخليهم لبعض ويتمم عليهم
;p ترى ما أعرفهم أنا
و...لسه الدنيا بخير
1 comments:
و انا بعد وياكم
;D
It's good to know, that there is still love in marriage. We need more of those :D
الله يوفقهم و يهنيهم و انت بعد وياهم
Post a Comment